Ertzaintzak 31 urteko gizonezko bat atxilotu zuen atzo goizean Bilbon, bikotekide ohiari jipoia ematea eta harengana hurbiltzeko debekua urratzea egotzita. Lehendik ere atxilotzeko agindua zegoen gizon horren kontra, arrazoi berengatik, baina libre zegoen.
Jaurlaritzako Herrizaingo Sailak emandako azalpenen erabera,atzo goizaldeko ordubiak inguruan gertatu zen erasoa. Biktimaren oihuak entzunda Ertzaintzara deitu zuten erasoa gertatu zen etxeko bizilagunek, eta ertzainak iritsi zirenean, , eta ertzainak iritsi zirenean, igogailuraino ailegatzen ziren odol arrastoak aurkitu zituzten ezkaratzea. Igogailuan, berriz, biktimaren poltsa.
Biktimaren etxean andre batek ireki zien atea, eta zauritutako emakumea non zegoen adierazi zien. Hark, berriz, gertatutakoaren berri eman zien ertzainei eta Basurtuko Ospitalera eraman zuten. Ustezko erasotzailea goizeko zortziak inguruan atxilotu zuten etxe berean.
Trapagaranen beste atxiloketa bat
Ertzaintzak 42 urteko gizonezko bat atxilotu du gaur arratsaldean Trapagaranen, bere autoarekin neska-lagun ohiaren autoaren aurka jo duelakoan. Emakumezkoa ibilgailu barruan zegoen une horretan, lagun batekin, eta biek zauri arinak izan dituzte. 12:45ean izan da gertaera, Maiatzaren 1 etorbidean.
Gizonezkoak urruntze agindua hautsi du.
Emakumeen kontrako indarkeria
Bikotekide ohia jipoitu duelakoan 31 urteko gizonezko bat atxilotu dute Bilbon
Trapagaranen beste gizon bat atzeman dute, neska-lagun izandakoaren autoaren aurka egitea egotzita.
Iruzkinak
Ez dago iruzkinik
Ordenatu
