Bikotekideari eraso egin izana egotzi diote emakume bati

GASTEIZ. Bikotekideari labankada bat ematea leporatuta, emakume bat atxilotu zuen Ertzaintzak ostiraleko ordu txikietan. Gertaeraren berri izan ostean, Ertzaintzaren patruila bat eta anbulantzia bat bertaratu ziren, eta gizona labana bularrean sartuta zuela aurkitu zuten. Erasoa eztabaida baten ostean gertatu zela jakinarazi zuen gizonak, eta etxeko gela batean zegoen emakumea atxilo hartu zuten.