Bikotekideari ustez eraso egin dion gizon bat atxilotu dute

GALDAKAO› Bikotekidea aurpegian eta bizkarrean ustez jo zuen 53 urteko gizonezko bat atxilotu zuen atzo Ertzaintzak Galdakaon (Bizkaia). Lekuko batek egin zien dei ertzainei, eta, haiek bertaratu zirenean, biktimak berak eman zien gizonaren oldarraldiaren berri. Genero indarkeria delitua egotzi diote erasotzaileari.