Nafarroako Gobernuak emandako informazioaren arabera, 54 urteko D.P.P.k Iruñeko Ezkaba mendira eraman zuen bikotekidea auto batean, gogoz kontra. Han, kolpatu eta bortxatu egin zuen eta gero alde egin. Paseoan zebiltzan herritar batzuek lagundu zioten aurrena emakumezkoari, eta, halaber, SOS Nafarroara deitu zuten. Emakumeak foruzainei agertu zienez, 18 hilabete zeramatzan gizonezko horrekin harremanetan, eta ez zen horrelako eraso bat jasaten zuen aurreneko aldia.
J.H.C. ere bikotekideak salatu zuen. Emakumea bera joan zen Foruzaingora salaketa jartzera, eta agertu zienez, azken hilabeteetan bere borondatearen kontra sexu harremanak izatera behartzen zuen indarkeria erabiliz. Azken bortxaketa bezperan gertatu zela azaldu zien. Andreak zauriak zituen aurpegian eta besoetan.
Emakumeen kontrako indarkeria
Bikotekideei eraso dietelakoan, bi gizonezko atxilotu dituzte Nafarroan
Nafarroako Foruzaingoak bi gizonezko atxilotu zituen asteartean beren bikotekideak kolpatzea eta bortxatzea egotzita. Iruñean, 54 urteko D.P.P. atxilotu zuten, eta Burlatan, berriz, 41 urteko J.H.C. Bikotekideek salatu zituzten biak, eta emakume biek lehenago ere erasoak jasan zituztela agertu zuten.
Iruzkinak
Ez dago iruzkinik
Ordenatu
