Biktimentzako liburuxkak jarri dituzte polizia etxeetan

Genero Indarkeriaren Biktimei Laguntzeko Bulegoak hainbat liburuxka jarri ditu eskuragarri Ertzaintzaren 25 polizia etxetan, biktimentzako informazioa eskaintzen dutenak. Ekimenaren helburua da emakumeei lehen urratsa egiten laguntzea, bizi diren egoera gogorretik irteteko. Horretarako, zazpi hizkuntzatan idatzitako 70.000 liburuxka banatu dituzte, hartara etorkinek ere ulertzeko modua izan dezaten. Eskaintzen duten informazioa argia, osatua eta zabala dela dio Ertzaintzak, eta arazoa atzematea errazteko hausnarketara bultzatzen dutela. Harremanetan jartzeko bitartekoak ere eskaintzen dituzte. Irailean genero indarkeriaren aurka lanean ari diren erakundeetan banatuko dituzte.