ELA sindikatuak jakinarazi duenez, Bilbobusek eta Bizkaibusek mobilizazioekin jarraituko dute urtarrilean. Atzo, San Tomas egunean, egun osoko greba egin zuten, eta neurri bera hartuko dute 2019a hasi eta gutxira ere.
EMB, Pesalur eta Bilbobus enpresetako komiteek greba deialdiak erregistratu dituzte Eusko Jaurlaritzan, ELAk ohar bidez adierazi duenez.
Komiteek ohartarazi dute greba mugagabearen aukera aztertuko dutela enpresek komitearen eskariak aintzat hartzen ez badituzte eta "murrizketak" desegiten ez badira.
ELAk Bizkaiko Foru Aldundiari eta Bilboko Udalari eskatu die gatazkan esku har dezatela, bi erakundeak haren parte direla iritzita.
