Bilboko Konpartsek adierazi dute ez dutela inauterietako desfilerik egingo. Iñaki Azkuna Bilboko alkateak kale nagusian barrena desfilatzeko debekatu diela eta, konpartsek adierazi dute ez dutela "bigarren mailako kaleetan" ibili nahi, eta, horregatik, herritarrei dei egin deiete mozorrotu eta Bilboko kale nagusiak kolorez betetzera.
Jai eredu misto eta parte hartzailea arrisku bizian dagoela salatu dute, eta Azkunaren gustuko ez diren edozein "satirak eta erreibindikazio sozialek" berehalako "zentsurarekin" topo egiten duela. Hala ere, jai herrikoien aldeko apustuari eutsiko diotela esan dute, eta herritarrei ere eskatu diete modu "duin eta eraginkorrean" antolatutako ekintzetan parte hartzeko.
Egitaraua
Otsailak 12, igandea: Plaza Barrian, 12:00etan, tostada eta pontxe lehiaketa.
Otsailak 16, osteguna: Plaza Barrian, 19:30ean, Farolin eta Zarambolasen epaiketa. Ondoren, 20:30ean, Trapu Zaharren kalejira Zazpikaleetan.
Otsailak 18, larunbata: Erraldoiak, gaiteroak, fanfarriak, txistulariak, malabareak, batukadak eta ehunka konpartsero, kuadrilla eta hiritarrek kale nagusiak ibiliko dituzte egun osoan mozorro ironiko eta satirikoekin.
Otsailak 19, igandea: Areatzako karpan, goizeko bederatzietatik aurrera indaba txapelketa.
Otsailak 21, asteartea: Plaza Barrian, 19:30ean, sardina ehorzketa.
