Bilboko Metroaren langile batzordeak atzoko greba egunaren balorazioa egin du gaur, eta salatu dute zenbait politikarik aurreko egunetan egin zituzten iragarpen "katastrofistak" gezurra zirela frogatuta geratu dela. Langile batzordearen arabera langileen %85ek egin zuten bat deialdiarekin. Istilurik ez zela izan nabarmendu du langile batzordeak. Sindikatuek "borrokarekin" jarraitzera deitu dituzte langileak. Urtarrilerako hainbat lan-uzte dituzte deituta.
Zuzendaritzak, ordea, esan du atzoko normaltasuna bidaiariek beste garraiobide batzuk hautatu zituztelako izan zela. Horien arabera langileen %80k egin zuen lan, eta zerbitzuaren %60 eskaini zuten.
