Bilboko portua handitzeko dragatzeen bigarren fasea, abian

BILBO. Bilboko Portuko Agintaritzak portua handitzeko dragatze lanen bigarren fasea hasi du. Hala, berriro ere hondarra ateratzen hasi dira Muskizko Arena hondartzatik (Bizkaia). 2,4 milioi metro kubiko ondar aterako dute. «Dragatze lan hauek erakunde guztien oniritzia dute», adierazi du portu agintaritzako presidente Jose Ramon de la Fuentek. Dragatze lanen aurkako plataformak maiz salatu ditu ingurumenean eragingo dituen kalteak.