Ertzaintzaren bertsioaren kontrako erabakia hartu du epaileak. Izan ere, poliziaren iritzian, bi gazte horiek bi polizia munizipal erretzen saiatu zuren ostiralean, eta epaileak ukatu egin du hori. Epaileak erabaki duenez, bi gazteek egindakoa zera da: edukiontziak gurutzatu eta Udaltzaingoen auto baten parera bota.
Bi gazteen kontra neurriak hartu dituzte, deklarazioa jaso ondoren. 18 urteko Alex Garcia Martuteneko (Gipuzkoa) espetxean sartzeko agindu zuen atzo Bilboko Guardiako Epaitegiak; desordena publikoa eragitea eta atentatua egozten dizkiote.
Beste gaztea adingabekoa da. Bilboko9. Instrukzio Epaitegian deklaratu zuen, eta Zumarragako adingabekoen zentrora eramateko agindu zuen epaileak. Gara-ren arabera, epaitegiko psikologoak eta Zumarragako zentroko zuzendaria neurri horren kontra agertu ziren. Defentsak, berriz, gaztearen kontrako frogarik ez dagoela agertu zuen. Hala ere, fiskalaren eskariarekin bat egin zuen epaileak, eta erregimen irekian dute adingabekoa Zumarragan; hau da, lotara bakarrik joan behar du.
politika
Bilbon atxilotutako gazteek ez zuten Udaltzaingoak erretzeko ahaleginik egin epailearen iritzian
Ostiralean Bilbon atxilotu zituzten bi gazteek ez zutela Udaltzaingoak hiltzeko saiorik egin erabaki du gaur epaileak. Kale erasoetan parte hartzea leporatzen die bi gazteei ere, baina Udaltzaingoak hiltzeko saioa egin zutela zioen bertsioa baztertu egin du. Bi gazteen kontrako neurriak hartu dituzte. 18 urteko Alex Garcia Martuteneko (Gipuzkoa) espetxean sartzeko agindu zuten atzo, baina dagoeneko aske utzi dute, 6.000 euroko bermea ordainduta. Adingabeko gazteak Zumarragako adingabekoen zentrora joan beharko du lotara.
Iruzkinak
Ez dago iruzkinik
Ordenatu
