Bizkaian zehar ibili da batez ere gaur Korrika, eta arratsaldean iritsi da lasterketa Bilbora, 17:30 inguru zirela. Gipuzkoan, Bergaran, hasi dute eguna korrikalariek, eta atzean utzi dituzte Urretxu, Zumarraga, Legazpi, Oñati eta Arrasate, besteak beste.
Eguna, ordea, Bizkaian egin du. Zeanuri, Areatza, Artea, Lemoa, Zornotza... Bilbon jende ugari batu da Korrikara. Hiri osotik ibili ondoren, 23:15ean espero da martxa Basaurira heltzea, gaurko eguneko azken herri handira.
Biharko egunez ere Bizkaian zehar ibiliko da, eta larunbatean helduko da Donostiara. Igandean amaituko da 18. Korrika, Baionan.
