Biltzar Nazional Katalanaren sorrera txalotu dute

Independentistak sareak ANC Biltzar Nazional Katalanaren sorrera txalotu du. ANC erakunde zibil eta zeharkako bat da, eta bere helburua du Herrialde Katalanen independentzia lortzea, alderdi politikoen eta erakundeen aurrean akuilu lana eginez. Larunbatean sortu zuten, Bartzelonako Palau Sant Jordin eginiko ekitaldi jendetsu batean, eta han izan zen Independentistak sareko ordezkaritza bat. Komunikabideetara igorritako ohar batean, erakunde horrekin elkarlanean aritzeko asmoa agertu du Independentistak sareak. Nabarmendu du independentismo katalanak azken urteetan izan duen hazkundea «pozgarria» dela, eta «arretaz jarraitzeko modukoa».