Atzo EHU Euskal Herriko Unibertsitatearen Leioako campusean gertatutako istilu larriak errektoretza taldearen jarreraren ondorio direla iritzi dio gaur IA Ikasle Abertzaleak taldeak; errektoretza taldearen "jarrera antidemokratikoaren" ondorio. "3 urte hauetan biolentziaren eta inposaketaren adibiderik garbiena eta exekutore nagusia errektoretza taldea eta bere buru den Juan Ignacio Perez izan dira", esan du IAko ordezkari batek gaur Donostiako Ibaetako campusean egin duten agerraldian.
Hain zuzen ere, atzoko liskarren harira indarkeria darabiltenek unibertsitatean ez dutela lekurik esan zuen Perez Iglesiask errektoreak. IA bat etorri da baieztapen horrekin, baina indarkeria erabiltzen duena errektore taldea dela zehaztu du.
EHUn bihar egingo dira errektorea aukeratzeko bozak, eta egungoa, Perez Iglesias da hautagai bakarra. IAk "abstentzio aktiborako" deia egin du: "Ostegunean abstenitzen denak, ostegunean abstentzio aktiboa praktikatzen duenak biolentoak eta inposatzaileak bere lekuan jarriko ditu".
Unibertsitatea
"Biolentziaren eta inposaketaren adibide" dela esanez erantzun dio IAk Perez Iglesias errektoreari
Atzoko istiluen arduradun izatea egotzi dio. Biharko hauteskundeeta "abstentzio aktiborako" deia egin du.
Iruzkinak
Ez dago iruzkinik
Ordenatu
