Autogobernu espazioak birzentralizatzeko, etengabe higatzeko eta hondatzeko prozesuari" aurre egiteko, elkarlanean aritzeko aukerak aztertu zituzten atzo Eusko Jaurlaritzako Justizia eta Administrazio Publikoko sailburu Josu Erkorekak eta Kataluniako Gobernuko presidenteorde Joana Ortegak.
Iñigo Urkullu Eusko Jaurlaritzako lehendakariak harrera egin zion Ajuria Enean Ortegari. Kataluniako Gobernua "birzentralizazioaren liburu beltza" prestatzen ari dela-eta, horren inguruko interesa azaldu zuenErkorekak. Liburu horretan, Kataluniako autogobernuari kalte eginez Espainiako Gobernuak hartutako erabakiak bilduko dituzte.
Erkorekaren esanetan, argitalpen hori Jaurlaritzaren kezkekin "sintonian" dago. Hortaz, bi gobernuko ordezkariak berriro bilduko dira Kataluniako Gobernuak agiri hori amaitzean, Madrilen neurrien aurka "salaketa bateratua" aurkezteko.
