Bitartekariaren proposamena onartu du metroko zuzendaritzak

BILBO. Bilboko Metroko zuzendaritzak onartu egin du gatazkan parte hartu duen lan bitartekariak egindako proposamena. Gabon gauean lan egitea proposatu du bitartekariak, eta ordainetan, egun horretako lansaria ordaintzea. Ernesto Gasco zuzendariaren arabera, baiezkoak agerian uzten du zuzendaritzak akordioa erdiesteko borondatea duela. Gainera, proposamenari uko egin izana kritikatu die Gascok sindikatuei.