Bizikletan zihoan 75 urteko gizonezko bat hil da Gasteizen, 4x4 ibilgailu bat jota, Udaltzaingoak gaur esan duenez. Larunbatean izan zen ezbeharra, goizeko bederatzi eta erdiak aldera, Gamarrako Atea eta Artapadura kaleen artean. Txirrindularia istripua izandako unean zendu zen. Buruko kaskoa bazeraman.
Ibilgailuko gidariak negatibo eman zuen alkoholemia proban, baina positibo toxikoetakoan. Auzi medikuak, hala ere, adierazi du gidatzeko moduan zela.
Zapatuan bertan bizikletan zihoan 20 urteko mutil bat arin zauritu zen Gasteizen, auto bat jota. Gidariak positibo eman zuen alkoholemia proban.
