Bizkaiko Foru Aldundiak 5.000 euroko isuna ezarri dio Txarriduna elkarteari. Hain justu, Animalien Babeserako Euskal Legea ez betetzea leporatzen dio elkarteari. Animalien eskubideen defentsan diharduen abokatuen bulego batek jakinarazi duenez, iazko urtarrilean hiru txerrikume zozkatzeagatik zigortu dute Txarriduna.
Bilboko kafetegi batean, errifa bidez hiru txerritxo zozkatu zituen elkarteak. Hilabete besterik ez zuten animalia horiek eta Ledesma kalean ibilarazi zituzten, argazkiak ateratzen zizkieten bitartean. Diputazioaren arabera, ikuskizun publiko horrek ez zuen baimenik. Are gehiago ezin zuen baimenik izan, aldundiak dioenez: "Animalien Babeserako Legearen aurka doa".
Animalien eskubideen defentsan lan egiten duen gobernuz kanpoko erakunde batek jarri zuen salaketa.
