Bizkaiko Foru Aldundiko zerbitzuburuei eta idazkari teknikoei euskararen ezagutza eskatzea eta goi mailako funtzionarioen arteko laneko bilerak euskaraz egitea. Bi eskari horiek eraman ditu Bilduk Bizkaiko Batzar Nagusietako Kultura Batzordera. EAJk, PPk eta PSE-EEk Bilduren proposamenaren aurka bozkatu dute. Gogor jo du Bilduk EAJren aurka kontra bozkatu duelako, eta euskararen aldeko "konpromiso falta" leporatu dio.
Agintaldi honetan Gipuzkoako Foru Aldundiak onartu du euskara izatea bere laneko hizkuntza nagusia, eta norabide horretan antzeko urratsa egitea nahi zuen Bilduk Bizkaian ere.
