BIZKAIKO ZUBI BERRITUA MARTXAN DA

Atzo inauguratu zuten Portugaleteko (Bizkaia) zubi berritua, Bizkaiko zubia. Jose Blanco Espainiako Sustapen ministroa izan zen bertan, baita Blanca Urgell Eusko Jaurlaritzako Kultura sailburua, Imanol Landa Getxoko alkatea eta Mikel Torres Portugaleteko alkatea ere. Mikel Uriarte gogoratu zuten ekitaldian: duela urtebete hil zen, zubira sartzen ari zela autoa ibaira erorita. «Euskadi atzean geratu ez den seinale da zubi berritua», adierazi zuen Blancok.