Gaur Blusa eta neska beteranoen eguna izan da Gasteizen, eta helduek festarako sasoi-betean daudela erakutsi ahal izan dute.
Goizetik hasi dira, mezarekin; jarraian, hainbat kalejira eta emanaldi tartean, Plaza berrira gerturatu direnek, Gastronomia Lehiaketa eta Arabako Errioxako ardoaren dastatzaileen kiniela ikusi ahal izan dute. Gero, dantza egiteko parada ere izan dute.
Beteranoen eguna izan arren, beste inor ez du alde batera utzi egitarauak, eta haurrek puzgarriak eta apar-festa izan dituzte. Horiez gain, eguneroko bertso-saioa eta hainbat kontzertu ere badira, gustu guztietarako.
