Akitaniako mediku ordenaren diziplina ganberak gaur erabaki du Nicolas Bonnemaison Baionako ospitaleko larrialdietako zuzendari ohia mediku ordenatik kanporatzea.
Leporatzen diote hainbat pazienteren heriotza nahita eragin izana, Osasun Publikoko arautegiak zehaztutako prozedura errespetatu gabe eta eri zein erien familien iritzia jaso gabe.
Ordenak zazpi eutanasia aktibotan parte hartu izana leporatzen dio. Ekintza bera baino gehiago, erabakia bakarrik hartu izana da leporatzen diotena.
2011ko abuztuan, atxilotu eta berriro libratu zutenean, Ipar Euskal Herriko mediku askok sostengua adierazi zioten Bonnemaisoni.
