Bordeleko errektoretzak eta EEPk 2010-2016 aldirako hitzarmen bat izenpetu dute

EEP Euskararen Erakunde Publikoak eta Bordeleko Akademiakeuskarazko eta euskararen irakaskuntza sustatzeko hitzarmena izenpetu zuten atzo Baionan. Sei urteko iraupena ukanen du hitzarmenak, 2010-2016 epealdirako hain zuzen. Max Brisson EEPko presidenteak nabarmendu du euskara Frantziako ekimen publikoaren lehentasunetan kokatzen dela. «Familia baitako transmisioa hautsia delarik, funtzio hori bete dezakeen egitura bakarra eskola da eta ondoko belaunaldiek ez ligukete barkatuko dagokigun erantzukizuna ez bagenu beteko».Azken sei urteotan euskarazko eta euskararen irakaskuntzak bizi izan duen gorakada nabarmendu du Brissonek eta baliabideak egokitzeko eskatu du, hartara emaitza kualitatiboak bermatzeko.