Ertzaintzak Bilbon 29 urteko gizon bat atxilotu du bart, emaztea jo duelakoan Eusko Jaurlaritzako Herrizaingo Sailak esan duenez. Somera kaleko etxe batean izan da ustezko erasoa, eta emakumezkoa Basurtuko erietxera eraman dute. Gizona iaz ere atzeman zuten antzeko kasu bategatik.
Okondon 40 urteko gizon bat atxilotu du Ertzaintzak bart, etxean, emazteari mehatxuak egin dizkiola egotzita.
Atzo arratsaldean Donostian 28 urteko gizon bat atzeman zuten, Amara auzoan, neska-lagun ohia jo egin zuelako ustez. Kalean izan zen gertaera.
Bikotekidearekiko urruntze agindua hautsi dutelakoan, berriz, Pasaian gizon bat atxilotu dute bart, eta Irunen beste bat.
