Biriatuko ordainlekuan auto errenkada luzeak sortzen ari dira asteburu honetan ere, oporren itzulerako operazioa dela eta. Eusko Jaurlaritzako Segurtasun Sailak jakinarazi duenez, 11:00 aldera hasi dira ilarak sortzen. Auto kopurua ugarituz joan da goizean zehar, eta 14:30ean bost kilometroko luzera hartu dute errenkadek.
Iragan astean ere egoera bertsua sortu zen Biriatun. Herenegun, bederatzi kilometrokoak izan ziren auto-ilarak.
