Bost pertsona zauritu dira gaur goizean AP-68 errepidean, Urkabustaizen (Araba), gertatutako autobus istripu batean. Bilbotik Logroñorako (Espainia) bidea egiten ari zen autobusa, eta Altubeko gaina igaro ostean irauli egin da.
Eusko Jaurlaritzako Segurtasun Sailak jakinarazi duenez, 09:30 inguruan gertatu da ezbeharra, eta bost pertsona zihoazen autobusean istripuaren unean; lau bidaiari eta gidaria. Larri zauritu da bidaiarietako bat, eta arin gainerakoak. Gurutzetako erietxera (Bizkaia) eraman dute larri zauritutakoa, eta Txagorritxura (Araba) besteak.
Errail bat itxita dago Logroñora bidean.
