Bost urte eta hiru hilabeteko zigorra EHUko Medikuntzako dekano ohiari

Bizkaiko Probintzia Auzitegiak bost urte eta hiru hilabeteko espetxe zigorra jarri die EHU Euskal Herriko Unibertsitateko Medikuntzako dekano ohi Francisco Javier Goirienari eta Estomatologiako zuzendari ohi Montserrat Barranquerori. Unibertsitateko diruaz baimenik gabe jabetzea, eta dokumentuak faltsutzea leporatu diete. Bederatzi urtez gaitasungabetu dituzte; gainera, 168.400 euroko kalte-ordaina eman beharko diote EHUri.

Errespetuz eta pozik hartu duepaia EHUk. «Euskal Herriko Unibertsitateak, fiskaltzak eta herri akusazioak izan duten jarrera berretsi egiten du epaiak. Gure nahia beti izan da erakundearen interesak nahiz ondasunak babestea eta zaintzea».