Parisko Auzitegiak bost urteko espetxe zigorra ezarri dio Julen Mujikari, eta bi urtekoa Intza Oxandabaratzi. Epaileak zehaztu duenez, zigorraren urte bat ez du bete beharko Mujikak, deliturik berriro egiten ez badu. Oxandabaratz aske zen 2012ko martxoaz geroztik, baina Parisko Auzitegiak ezarri diona 2007an emandako beste zigor bati gehituko zaio.
2011ko abenduaren 13an atxilotu zituzten, Donibane Garazin. Laurence Levert Parisko epaileak agindu zuen operazioa, 2009an Herault Frantziako departamenduan atzeman zulo batzuekin zerikusia zutelakoan.
