Bizkaiko Probintzia Auzitegiko Seigarren Aretoak frogatutzat jo du C.S.G. irakasleak "hankak, genitalak eta gorputzeko beste toki batzuk" ukitu zizkiela sei umeri, behin baino gehiagotan, 2009-10eko eta 2010-11ko ikasturteetan. Abusuak Erandioko ikastetxe publiko batean egin zituen 48 urteko gizonak. Berri agentziek aurreratu dute auzitegiaren ebazpena. Hain zuzen ere, zigor kode berriarekin epaitu dute akusatua, eta aurreko kodea baino gogorragoa da horrelako kasuetarako.
Haur baten gurasoek egindako salaketa baten ostean, kamerak paratu zituzten ikastetxean, eta kamerak martxan jarri eta lehenengo egunean baieztatu zituzten salaketak. Hain zuzen, zigortua haur batekin ageri zen kamerak jasotako irudietan, hainbat ukitu egiten.
