CGPJ Espainiako Botere Judizialeko Kontseilu Nagusiak uste du Garbiñe Biurrun epaileak ezin duela Euskal Herriko bakegintza bultzatzeko Foro Sozialeko partaide izan, bi lanak "bateragarriak" ez direla iritzita. CGPJk dio epailearen independentzia kolokan legokeela aldi berean Foro Sozialean arituta.
EAEko Auzitegi Nagusiko Gizarte Arloko lehendakaria da Biurrun, eta CGPJri Foro Sozialeko kide izateko baimena eskatu zion. Batzorde Iraunkorrak hartu du erabakia; aldeko bost boto izan dira eta beste bat zurian —Merce Pigem-ena—.
Biurruni zortzi eguneko epea eman diote bi zereginen artean hautatzeko.
