Botikak berrordaintzeko dekretua betetzeko dela gogorarazi du Madrilek

Espainiako Gobernuak ez du begi onez ikusi pentsiodunei botikak ez kobratzeko Nafarroako Parlamentuak egindako eskaria. Herenegungo osoko bilkuran onartu zuten egitasmoa. UPNk eta PPNk aurka egin zuten. Ikusteko dago foru gobernuak zer jarrera hartzen duen. Baina Espainiako Gobernuak Nafarroan duen ordezkariak, Carmen Albak, oharra egin dio Yolanda Barcinaren gobernuari. «Konstituzioaren aurkako egitasmoren bat abiatzen badute, esku hartuko dugu. Berrordainketa arautzen duen dekretua bete egin behar da».Parlamentuan onartutakoaren arabera, 65 urtetik gorakoek, alargunek, 18 urte baino gutxiagoko zurtzek eta 33. gradutik gorako mendekotasuna dutenek ere ez dituzte pagatu beharko.