Giorgio Bazzega, Italiako Brigada Gorriek hil zuten polizia baten semeak, Oroimenari eta Bizikidetzari Buruzko Biltzarrean parte hartu du gaur Bilbon, eta "hitz egiteko eta elkarrekin bizitzeko" barkatzea "beharrezkoa" ez dela azpimarratu du bere hitzaldian. Bihar amaituko da biltzarra.
Barkamena oso kontu "pertsonala" dela adierazi du, eta hori gabe ere aurrera egin daitekeela nabarmendu du.
Brigada Gorrietako kide izandako Adriana Farandarekin batera parte hartu du, Terrorismotik elkarbizitzara izeneko eztabaidan.
Bazzegak azpimarratu du "mezu positibo bat" duen guztiak hitz egiteko aukera duela, eta garrantzitsutzat jo du Farandaren parte hartzea biltzarrean, "beste gazte batzuek indarkeria erabil dezaten ekiditeko".
