"Albiste ona da bakearen bidea jarraitu nahi dutenentzat. Baina hau komunikabide batek zabaldutako gutuna da. ETAren azken komunikatua irakurtzean egingo dugu etorriko da hausnarketa", adierazi du Txetx Etxeberri bake artisauak.
Demokraziaren garaipentzat jo du Max Brisson senatariak ETAren erabakia, eta biktimak ekarri ditu gogora: "Demokraziak ezin du indarkeriarik onartu, eta soilik ideien eztabaida eman behar du ontzat. Orain adiskidetzea lortu behar dugu, eta horretarako oinarrizkoa da biktima guztiak aitortzea".
ETA a annoncé sa dissolution. Pensée particulière pour toutes les victimes. Victoire de la démocratie qui ne peut accepter la violence et ne reconnait que le débat d’idées. Il faut réussir la réconciliation, elle passera par la reconnaissance de toutes les victimes. #PaysBasque
— Max BRISSON (@max_brisson) 2018(e)ko maiatzaren 2(a)
ETAren amaiera "bakeranzko urrats historikoa" dela nabarmendu du bere aldetik Frederique Espagnac senatariak bere Twitterreko kontuan zabaldutako mezuan.
Nous l’attendions depuis Aiete 2011, et l’annonce de la fin de son activité armée, l’ #ETA annonce sa dissolution. C’est chose faite. Je le salue! C’est une page Historique qui s’écrit aujourd’hui pour la #Paix en #PaysBasque@euskalirratiak@MediabaskInfo@SO_Paysbasque
— Frédérique Espagnac (@FEspagnac) 2018(e)ko maiatzaren 2(a)
Aldiz, oso bestelakoa izan da Espainiako Barne ministro Juan Ignacio Zoidoren erreakzioa. Hark ohartarazi du Madrilek orain arteko jarrerari eutsiko diola eta "terroristak" jazarriko dituztela: "ETAko kideek ez zuten ezer lortu hiltzeari utzi ziotenean, eta ez dute ezer lortuko eurek desegite deitu duten honen trukean ere".
Eusko Jaurlaritzak eta Nafarroako Gobernuak nahiago izan dute ETAren komunikatuak zer dioen itxaron, eta bien bitartean ohartarazi dute taldeak erantzun baikorra jaso nahi badu, adierazpenak "alde bakarrekoa, eraginkorra eta behin betikoa" izan beharko duela. Bien bitartean Iñigo Urkullu eta Uxue Barkosen exekutiboak elkarlanean ari dira ETAren erabakiari buruz hausnartzen. Dena den, onartu dute dagoeneko jasoa dutela ETAren gutuna.
Covite ETAren biktima elkarteak salatu du Espainiako Gobernuak "ETAren porrotaren argazkia lapurtu" diola gizarteari. Consuelo Ordoñez elkarteko presidenteak adierazi du ETA menperatua izan balitz ez litzatekeela bere amaieraren protagonista izango eta ez lukeela nazioarteko babesik jasoko.
Europako Parlamentura eraman dute gaia
Sinn Feineko eurodiputatu Martina Andersonek Europaren bihotzeraino eraman du gatazka, eta bake prozesua bultza dezala eskatu dio Europako Parlamentuari. Andersonek iragarri du laster aurrerapausoak egingo direla prozesuan eta eskatu die Parlamentuari eta Europako Batzordeari balitu dezatela aukera "bakea eta berradiskidetzea bermatzeko".
.@M_AndersonSF has called on the European Parliament to support the peace process in the Basque Country. pic.twitter.com/tZ2pDUghoX
— Sinn Féin (@sinnfeinireland) 2018(e)ko maiatzaren 2(a)
