BURTSA. Indultua adreiluari?

Argentinan Videlaren indultua inkonstituzionaltzat jo duten ber gisan, ikuskizun dago adreiluaren sektoreari atzo burtsak emandako indultua behin betikoa den. Egun gorabeheratsuaren ondoren, Inmocaralek (+%2,31), Accionak (+%1,92) eta Ferrovialek (+%1,72) goranzko bideari heldu zioten. Sacyr (-%0,76) itzaletan gelditu zen eta, ondorioz, Eiffageren (-%0,92) Erosteko Eskaintza Publikoak (EEP) balioa galtzen segitzen du. Aurtengo lehen hiruhilekoan BBVAren (-%0,11) ohiko mozkina %23 haztea baino, gehiago txalotu zuen burtsak Santanderren (+%1,12) azken mugimendua, hirunakako EEP bat, ABN Amro (+%3,46) helburu duena. 5.148 milioren akzioak salerosi zireneta euroak indartzen jarraitzen du, sendo. Horrek Eurogunetik datozen mozkinak hobestea dakar eta Europa ekialdera gida litzake hainbat mira. Astroc (+%0,75) onik atera zen atzoko atakatik baina, indultuak, egunez egun berritzen dira burtsan

.

Vidrala. Arabako Vidrala (-%1,18) beiragileak iaz epe berean baino %22,5 gehiago irabazi du aurtengo lehen hiruhilekoan, 7 milioi euro. Epe horretan salmentak %12 hazi dira, prezio eta ekoizpen handiagoak lagun. Iazko abuztu amaieran 17,52 euroan salerosten zen Laudioko enpresaren akzioa; atzoko jaitsierarekin ere, kotizazioa 25,21 euroan paratu zen. Beraz, %44ko igoera izan du 8 hilabeteko epean. Enpresak 546 milioiko balioa du burtsan, urtebeteko mozkinak halako 17 inguru (PER). Oraindik ere, ez du garestiegia den itxurarik eta Eurogunean jarduten du gainera.