BURU OSASUNEKO SAREAN, KEXU

Bizkaiko Buru Osasuneko Sareko sindikatuek deituta, langileak atzo protesta egitera elkartu ziren. Bilbon egin zuten elkarretaratzea, Maria Diaz de Haro kalean; babes handia izan zuen protestak, ELA, LAB, CCOO, Satse, SAE eta UGT sindikatuek antolatu baitzuten. Asteak dira buru osasuneko sarean lan egiten duten langileak kexu direla; zerbitzuaren kudeatzaileek lan baldintzei buruz negoziatzeko asmorik ez dutela salatu dute.