Burujabetza helburu

Hauteskunde kanpaina hasierako ekitaldian eta ostiralean, politika egiteko beste modu bat eta gizarte politika aldatzeko egitasmo irmoa aldarrikatu zituen EH Bilduk. Atzoko ekitaldira arte itxaron zuen, berriz, independentziaz mintzatzeko, independentziaren aldeko aldarria egiteko. Donostiako Atano III.a pilotalekuan izan zen, kanpainako lehen ekitaldi jendetsuan, agertoki handi batean, eta hara joan zirenen txalo zaparrada ozenak jaso zituen, Quebeceko PQ alderdiko Daniel Turpen laguntzarekin.

Erabakitzeko eskubidea praktikan jartzeko, indar ezberdinen arteko akordioa bultzatuko du EH Bilduk; hori mezu nagusia.

Atano III.a pilotalekua burujabetzaren aldarria hedatzeko lehen geltokia izan zen, atzo. Barakaldoko BEC aretoa izango da atzokoa ozenago esateko lekua, heldu den larunbatean.