CAF-EKOEK ELKARTASUNA UDALBILTZARI

Cafeko langileek elkarretaratzea egin zuten atzo, Beasaingo lantegiaren aurrean, Udalbiltza auzian egunotan Madrilen epaitzen ari diren hogei lagunei elkartasuna adierazteko. Urko Iraztortza auzipetuak enpresa horretan egiten du lan. Langile batzordeak onartutako testuan, auzia salatu dute batetik, eta bestetik, haren akusazioa erretiratzeko eskatu diote Auzitegi Nazionaleko Fiskaltzari. Gainera, Egunkaria auzian gertatu gisara, auzipetu guztiak libre uzteko eskatu dute.