Canal Vasco AEBetako estatu guztietan ikusi ahal izango da, satelite bidez

Alberto Surio EITBko zuzendariak Canal Vasco Amerikarako katea aurkeztu zuen, larunbatean, New Yorkeko Euskal Etxean. Galaxy 23 satelitearen bidez ikusgai dago AEBetako estatu guztietan. Surioren ustez, garrantzitsua da Canal Vascok Amerikan izandako hedapena. EITBren arabera, kanalak dezenteko indarra eduki du, besteak beste, Mexikon, Txilen, Argentinan, Perun eta Kolonbian. Orain, Galaxy 23 satelitearen bidez, bultzada jasoko du AEBetan ere. «Urrats garrantzitsua izango da munduan Euskadiren leiho bilakatzeko bidean. Batetik, gure errealitate sozial eta kulturalaren isla izango gara, eta, bestetik, Amerikan dagoen euskal komunitatearekin dugun lotura estutuko dugu», adierazi zuen EITBko zuzendariak.