180 metroko luzera duen txorizo bat egin, eta harekin Nafarroako Kutxako egoitza zena eta foru gobernuarena elkartu dituzte gaur, Iruñean. Hamabost metroko txorizo ugari elkarri lotuta osatu dute 180 metrokoa. LAB sindikatuak antolatu du protesta.
Datorren osteguneko greba orokorrerako deialdiaren harira egin dute gaurko ekintza. Bi eskari egin dituzte: Nafarroako Kutxako auziaren inguruan ikerketa batzorde bat eratzea eta Yolanda Barcina Nafarroako Gobernuko presidenteak dimisioa ematea.
Enrique Goñi CANeko zuzendari ohiak bihar deklaratuko du epailearen aurrean, CANeko dieten auzian inputatuta.
