Euskadiko Caritasek ohartarazi du biztanleen zati bat “pobrezia eta kalteberatasun sozialeko espiral batean” harrapatuta geratzen ari dela. Azken urteetan hainbat familiak babesgabetasun egoera gainditu badute ere, beste batzuen egoera “gero eta konplexuagoa” dela nabarmendu du Caritasek.
Egoera hori islatzeko datu bat eskaini du Caritasek. 2017an diru laguntzetara zuzendutako diru kopurua “inoizko handiena” dela nabarmendu du: 5,36 milioi euroren laguntzak. Bideratutako diru kopuru hori 2007an baino %77 handiagoa dela gogorarazi dute Caritaseko arduradunek.
Egoera konplexu horiei heltzeko “erantzun sendia eta integrala” eskaini behar dela hausnartu du, hiru ardatz nagusietan eraginez: biziraupena, etxebizitza eta lana. Halaber, nabarmendu du babesgabetasun egoeran dauden pertsonei eta familiei bidean lagundu behar zaiela. Euskadiko Caritasek 3.858 borondatezko langile ditu.
