CIESen arabera, euskarazkoak kazeta irakurrienetakoak dira

Nafarren erdiek baino gehiagok irakurtzen dituzte tokiko kazetak, CIES etxeak egindako azken inkestaren arabera. Areago, ikerketaren arabera, gehitzen ari dira hedabide horien kontsumitzaileak. Tokiko hedabideetan, euskarazko kazetak dira irakurrienetakoak, CIES etxearen arabera. Bi hilabetean behin argitaratzen direnetan, Nafarroan jarraitzaile gehien dituena da Ze Berri (42.000 irakurle), hainbat udalek elkarrekin argitaratzen zutena. Hamabostean behin kaleratzen direnetan, Baztan-Bidasoa inguruko Ttipi-Ttapa aldizkaria da buru (29.000 irakurle); astekarietan, berriz, bosgarren da Sakanako Guaixe kazeta (14.000 irakurle). Iazko urrian eta azaroan egin zuten kontaketa.