CSN Segurtasun Nuklearrerako Kontseiluak gaur eguerdian erabakitzekoa zen Santa Maria de Garoñako zentral nuklearra (Espainia) itxi behar den edo lanean ari daitekeen. Ordea, erabakia atzeratuko dute, bihar arte gutxienez. Astelehenean bildu zen CSN gaiaz eztabaidatzeko, baina orduan ere gaurko atzeratu zuten erabakia.
Espainiako Gobernuak zentrala ixteko agindua eman zuen iaz, Nuclenorrek ez baitzuen zehaztutako epean eskatu zentrala kudeatzen jarraitzeko eskaera. Uztailaren 6rako behar du itxita zentralak, baina itxiera agindu hori bertan behera uzteko eskatu dio Nuclenorrek Espainiako Industria eta Energia Ministerioari. CSNri galdetu zion ministerioak ebazteko ea posible den zentralak lanean jarraitzea.
