Pablo Ibar 2000. urtean zigortu zuten heriotzara, hiru pertsonaren hilketan parte hartzea egotzita. Joan den otsailean, ordea, Floridako Auzitegi Gorenak bertan behera utzi zuen haren aurkako epaia, haren eskubideak urratu zirela iritzita, eta epaiketa berriz egiteko agindu zuen. Aukera baliatu du haren defentsak, eta epaiketa egiten den artean hura aske uzteko eskatu du, argudiatuta ez dela arriskutsua eta ez dagoela ihes egiteko arriskurik ere. Raaj Singhal epailea erabakia hartzekoa zen, baina azken unean datorren astera arte atzeratu du.
Ibarrek 22 urte daramatza espetxean, horietatik hamabost heriotzaren korridorean.
