De Andresek uko egin dio Garoñari buruz hitz egiteari

GASTEIZ. Arabako ahaldun nagusi Javier de Andresek uko egin dio Garoñako (Burgos, Espainia) zentral nuklearraren itxiera eskatzeko ekimenen aitzindari izateari. Hala eskatu diote hainbat eragilek. Zentrala ixteko erabakian eragin handiena Espainiako Kongresuak izan dezakeela nabarmendu du, eta Garoñaren jarraipenari buruzko eztabaida bertara eramateko eskatu zien Batzar Nagusietan ordezkaritza duten alderdiei. «Kongresuak eragin dezake gobernuaren erabakietan».