Ipar Irlandak Iñaki de Juana Chaosen espainiaratzea onartu du, defentsaren helegitea baztertuta. "Terrorismoa goratzea" egozten dio Espainiako Auzitegi Nazionalak euskal preso ohiari.
De Juana Espainiaratzeko eskatu zion Eloy Velasco epaileak Belfasteko Laganside Auzitegiari (Irlanda) 2008an. Auzitegiak ez zeukan argi "terrorismoa goratzea" egozteagatik inor estraditatu dezakeen edo ez, baina 2010eko martxoan baiezkoa eman zuen, defentsaren argudioak baztetuta. Orduan "giza eskubideen urraketa" argudiatuta helegitea jarriko duela jakinarazi zuen defentsak.
2008an aske utzi zuten euskal presoa, zigorra bete eta 21 urte espetxea egin ostean. Hilabete gutxira ordea Espainiako Auzitegi Nazionalak De Juana atxilotzeko agindua eman duen, presoari Donostian egin zioten ongietorrian "terrorismoa goratzea" egotzita. De Juana ez zen izan bertan baina bere izenean eskutiz bat irakurri zuten.
