Zubia konpontzeko lanek luze jo dezaketela adierazi du Jose Angel Lizardi Mutrikuko alkateak. Datozen egunetan aztertuko dute teknikariek zenbaterainoko kaltea jasan duen zubiak; lanek iraun bitartean itxita egongo da.
Itxierak ez du trafiko arazorik eragin, zubia oinezkoek erabili ohi dute eta.
Eusko Jaurlaritzako Segurtasun Sailaren esanetan, 05:15ak aldera hondoratu da zubiaren erdialdeko zati bat, eta ez da zauriturik izan.
Zubia XIX. mendean eraiki zen, eta babes berezia du, Donejakue bidearen baitako monumentu-multzoa baita.
