Juan Maria Atutxa Eusko Legebiltzarreko presidentearen, eta Gorka Knörr (EA) eta Kontxi Bilbao (EB-IU) Legebiltzarreko Mahaiko kideen aurkako kereila Bigarren Desadostasunaren Salak ebatziko du, beraz. Sala horrek tramitera onartu zuen Fiskaltzaren kereila, eta SA talde parlamentarioa ez desegiteagatik desobedientzia delitua egin duen ala ez aztertuko du.
Iragan uztailaren 14an, CGPJren Batzorde Iraunkorrak EAEko Justizia Auzitegi Nagusiak osatu zuen Lehen Desadostasunaren Sala bertan behera utzi zuen, "osaketa horrek legea urratzeko aukerak zituela" argudiatuz. Gerora, CGPJren osoko bilkurak Manuel Zorrila EAEko Justizia Auzitegi Nagusiak Lehen Desadostasunaren Sala mantentzeko erabakia baliogabetu zuen. Horren ondorioz, Bigarren Desadostasunaren Sala osatu zen uztailaren 18an. Sala honek Atutxa, Knörr eta Bilbaoren aurkako kereila tramitera onartu zuen.
Hiru kereilatuak helegitea jarri zuten Espainiako Auzitegi Gorenean Lehen Desadostasunaren Salaren desegitearen aurka, baina Gorenak ez du aintzat hartu helegitea, eta CGPJk hartutako erabakia ez du baliogabetuko.
Batasunaren ilegalizazioa
Desadostasunaren Sala desegiteko CGPJk hartutako erabakia ez du baliogabetu Auzitegi Gorenak
Espainiako Botere Judizialaren Kontseilu Nagusiak (CGPJ) EAEko Lehen Desadostasunaren Sala desegiteko hartutako erabakia ez baliogabetzeko ebazpena aurkeztu du gaur. Sala horrek Atutxa, Knorr eta Bilbaoren aurkako kereila aztertu behar zuen Sozialista Abertzaleak talde parlamentarioa ez desegiteagatik. Gorenaren ebazpenak dioenez, "ez dago lekurik CGPJren erabakia atzera botatzeko, interes orokorrari egundoko kalteak eragingo zizkiolako bidean den prozesu bat geldiaraztea".
Iruzkinak
Ez dago iruzkinik
Ordenatu
