Diego Simeone (Atletico Madrileko entrenatzailea): "Gauza handia izango da finalean Bielsa topatzea, miresten dut"

Espainiako Ligako Real Madrilen aurkako partidak Athleticen sasoiko garrantzitsuenetako bat diren arren, datorren astezkenekoa itzalean geratuko da Athleticek maiatzaren 9an Europa Ligako finala jokatuko duela, Bukaresten. Atletico Madril izango du aurkari, Espainiako taldeak 0-1 irabazi baitzion atzo Valentziari (joanekoan 2-4 gailendu zen). Diego Simeone argentinarra da Atletico Madrileko entrenatzaile eta atzo Athleticen garaipenaren berri izan ondoren esan zuen Bielsa miresten duela, errespetu handia sentitzen duela berekiko eta inguratzen duen jendearekiko. "Gauza handia izango da biok finalean topatzea. Nahitasuna diogu elkarri, handia, eta irabazteko daukagun ilusioaz gain gauza ona izango da biok han egotea".