Larraitz Ugarte Gipuzkoako Foru Aldundiko bozeramaileak adierazi du diputazioak "oso argi" duela erabakia, eta bere garaian agertu zuela "auzoko herritarren iritzia kontuan hartzeko" asmoa, Igeldorekin gertatu zen bezala.
Maiatzaren 25ean egindako galdeketan auzotarren %97,5 azaldu ziren Itziar auzo udal izatearen alde. "Nork bere etorkizuna erabakitzea eskubide demokratiko bat da, eta erakundeek hori betetzen utzi behar dute. Hori da diputazioak kasu honetan egingo duena".
