Dirua desbideratu izana leporaturik, Alliot-Marieri buruzko inkesta bidean da
Michele Alliot-Marie Donibane Lohizuneko (Lapurdi) hautetsi eta Frantziako ministro ohiari buruzko inkesta eramaten ari dira Parisko hiru epaile ekainaz geroz. Diru desbideratzea egitea leporatu diete hautetsiari eta haren aita Bernard Marieri. Atzo eman zuen Le Parisien egunkariak afera judizial horren berri. Michele Alliot-Mariek, ordea, berehala ukatu zuen informazioa: Ā«Ez naiz ezeren jakitun. Ez dut ikusten zer izan daitekeenĀ». Aurkari politikoen fede txarrari lotu zuen informazioa. Orotara, 200.000 euroren desbideratzea leporatzen diote. Bernard Marieren esku den Chantaco luxuzko hotela eta Donibane Lohizuneko turismo bulegoari loturiko elkarte batzuen arteko diru trukaketak ikertzen ari dira.
Iruzkinak
Ez dago iruzkinik
Ordenatu