Donapeako proiektua auzitan jarri du PSNk

IRUÑEA. Nafarroako Parlamentuko PSNko bozeramaile Juan Jose Lizarbek UPNri eskatu dio Donapea Udalez Gaindiko Sektore Plana «erretiratzeko edo ez aurkezteko»; adierazi du UPNk Iruñeako Udalaren erabakiaren aurka egin duela, egitasmoari kategoria hori emanda. Iruñeako lurrak ukitzen zituela eta, ezezkoa eman zion proiektuari udalak, uztailaren 4an; PPNren babesa baino ez du lortu gobernuak.